ᮊᮥᮛᮤᮀ ᮊᮥᮀᮞᮤ ᮕᮕᮀᮌᮤᮂ ᮏᮩᮀ ᮞᮨᮒᮔ᮪ ᮞᮘᮘᮛᮠ ᮊᮜᮤ
??/??/|᮲᮰᮲᮵|
ᮙᮔᮦᮂᮔ ᮞᮤᮌ ᮔᮥ ᮒᮨᮛᮀ ᮊᮔ ᮔᮇᮔ᮪ ᮃᮔᮥ ᮏᮓᮤ ᮊᮞᮤᮉᮔᮔ᮪, ᮔᮇᮔ᮪ ᮃᮔᮥ ᮏᮓᮤ ᮊᮘᮀᮌᮃᮔ᮪, ᮏᮩᮀ ᮙᮔᮦᮂᮔ ᮇᮌᮦ ᮃᮕᮜ᮪ ᮊᮥᮙᮠ ᮎᮛᮔ ᮑᮤᮉᮔ᮪ ᮎᮛᮤᮒ ᮔᮨᮕᮤ ᮊ ᮊᮞᮜᮠᮔ᮪ ᮒᮦᮂ ᮊᮛᮞ ᮝᮏᮁ. ᮙᮔᮦᮂᮔ ᮘᮤᮞ ᮕᮤᮞᮔ᮪ ᮍᮓᮓᮁᮊᮩᮔ᮪ ᮘᮧᮠᮧᮀ ᮒᮤᮔ ᮞᮉᮒᮤᮊ᮪ ᮘᮨᮘᮨᮔᮨᮛᮔ᮪. ᮎᮧᮔ᮪ᮒᮧᮔ, “ᮄᮒ᮪’ᮞ᮪ ᮇᮊᮚ᮪ ᮒᮧ ᮙᮊᮨ ᮃ ᮙᮤᮞ᮪ᮒᮊᮨ”, ᮒᮥᮜᮥᮚ᮪ ᮉᮛᮩᮔ᮪ ᮓᮤ ᮓᮤᮒᮥ ᮝᮥᮀᮊᮥᮜ᮪. ᮕᮓᮠᮜ᮪ ᮞᮈᮞ᮪ᮒᮥᮔ ᮙᮂ ᮊᮜᮤᮙᮂᮔ ᮓᮤᮕᮧᮒᮧᮀ, ᮊᮥᮓᮥ ᮔ, “ᮄᮒ᮪’ᮞ᮪ ᮇᮊᮚ᮪ ᮒᮧ ᮙᮊᮨ ᮃ ᮙᮤᮞ᮪ᮒᮊᮨ, ᮘᮥᮒ᮪ ᮙᮊᮨ ᮞᮥᮛᮨ ᮚᮧᮅ ᮜᮨᮃᮁᮔ᮪ ᮖᮢᮧᮙ᮪ ᮄᮒ᮪, ᮞᮧ ᮚᮧᮅ ᮝᮤᮜ᮪ᮜ᮪ ᮌᮨᮒ᮪ ᮘᮨᮒ᮪ᮒᮨᮁ”. ᮆᮒ ᮞᮨᮒᮔ᮪ ᮒᮦᮂ ᮙᮨᮙᮀ ᮕᮤᮔ᮪ᮒᮨᮁ ᮍᮌᮩᮌᮩᮂ ᮈᮌᮧ ᮏᮜ᮪ᮙ, ᮓᮤᮃᮀᮊᮒ᮪ᮔ ᮜᮥᮠᮥᮁ-ᮜᮥᮠᮥᮁ ᮞᮀᮊᮔ᮪ ᮕᮞ᮪ ᮛᮌᮢᮌ᮪ ᮒᮦᮂ ᮊᮛᮞ ᮕᮤᮞᮔ᮪ ᮑᮨᮛᮤᮔ.
ᮙᮔᮦᮂᮔ ᮇᮌᮦ ᮘᮤᮞ ᮙᮆᮔ᮪ᮊᮩᮔ᮪ ᮛᮞ ᮓᮨᮔ᮪ᮓᮙ᮪, ᮘᮤᮞ ᮙᮤᮜᮤᮂ-ᮙᮤᮜᮤᮂ ᮊᮞᮜᮠᮔ᮪ ᮘᮒᮥᮁ ᮘᮛᮤ ᮔᮥ ᮘᮌᮩᮁᮔ ᮙᮂ ᮓᮤᮕᮥᮕᮥᮞ᮪. ᮙᮔᮦᮂᮔ ᮇᮌᮦ ᮘᮤᮞ ᮙᮆᮔ᮪ᮊᮩᮔ᮪ ᮝᮊ᮪ᮒᮧᮞ᮪, ᮞᮤᮌ ᮔᮥ ᮒᮨᮛᮀ ᮄᮛᮠ ᮊᮥᮓᮥ ᮓᮒᮀ ᮘᮛᮤ ᮑᮤᮅᮊ᮪ ᮊᮔ ᮎᮩᮜᮤ ᮍᮦᮎᮦᮞ᮪ᮊᮩᮔ᮪, “ᮄᮒ᮪’ᮞ᮪ ᮇᮊᮚ᮪ ᮌᮊ᮪ ᮃᮓ ᮚᮀ ᮒᮅ, ᮈᮙᮀ ᮛᮨᮐᮨᮊᮤ ᮜᮥ ᮃᮏ ᮄᮔᮤᮙᮂ”, ᮔᮨᮕᮤ ᮊ ᮊᮛᮞ ᮠᮊ᮪ ᮘᮒᮥᮁ ᮒᮦᮂ ᮓᮤᮞᮛᮥᮃᮊᮩᮔ᮪ ᮏᮩᮀ ᮠᮊ᮪ ᮅᮛᮀ ᮞᮧᮛᮍᮔ᮪ ᮊᮥ ᮃᮜᮨᮞᮔ᮪ ᮔᮥ ᮓᮤᮕᮤᮓᮀᮊᮩᮔᮔ. ᮃᮚ-ᮃᮚ ᮝᮥᮀᮊᮥᮜ᮪ ᮊᮨᮎᮕ᮪-ᮊᮨᮎᮕ᮪ ᮔᮥ ᮍᮏᮓᮤᮊᮩᮔ᮪ ᮅᮛᮀ ᮊᮛᮞ ᮘᮨᮒᮂ ᮕᮤᮊᮩᮔ᮪ ᮍᮠᮤᮔᮊᮩᮔ᮪ ᮘᮒᮥᮁ. ᮙᮔᮦᮂᮔ ᮘᮤᮞ ᮕᮤᮞᮔ᮪ ᮙᮥᮏᮤ ᮔᮨᮕᮤ ᮊ ᮅᮛᮀ ᮊᮛᮞ ᮏᮓᮤ ᮏᮜ᮪ᮙ ᮄᮞ᮪ᮒᮤᮙᮨᮝ ᮊᮜᮚᮔ᮪ ᮠᮊ᮪ ᮄᮞ᮪ᮒᮤᮙᮨᮝ ᮇᮌᮦ. ᮏᮥᮏᮥᮁ ᮘᮆ, ᮊᮥᮛᮤᮀ ᮊᮥᮓᮥ ᮍᮊᮥ, ᮊᮥᮛᮤᮀ ᮛᮓ ᮊᮌᮥᮙ᮪ ᮊᮥ ᮙᮔᮦᮂᮔ ᮃᮔᮥ ᮍᮁᮒᮤ ᮕᮤᮞᮔ᮪ ᮊᮔ ᮞᮤᮕᮒ᮪ ᮙᮔᮥᮞ, ᮔᮨᮕᮤ ᮊ ᮞᮧᮊ᮪ ᮊᮛᮞ ᮙᮔᮦᮂᮔ ᮒᮦᮂ ᮃᮔᮥ ᮕᮜᮤᮀ ᮍᮁᮒᮤ ᮒᮤᮘᮒᮔ᮪ ᮔᮥ ᮞᮦᮏᮦᮔ᮪.
ᮜᮙᮥᮔ᮪ ᮍᮧᮘᮢᮧᮜ᮪ᮊᮩᮔ᮪ ᮃᮙ᮪ᮘᮤᮞᮤ, ᮞᮤᮌᮔ ᮆᮒ ᮒᮦᮂ ᮊᮓᮠᮛᮔ᮪ ᮊᮛᮨᮞᮨᮕ᮪ᮔ ᮙᮔᮦᮂᮔ. ᮙᮥᮔ᮪ ᮊᮛᮞ ᮍᮩᮔᮂ, ᮙᮔᮦᮂᮔ ᮒᮩ ᮛᮌᮥ ᮍᮏᮓᮤᮊᮩᮔ᮪ ᮆᮒ ᮊᮓᮠᮛᮔ᮪ ᮏᮓᮤ ᮙᮨᮔᮥ ᮅᮒᮙ, ᮓᮤᮒᮙ᮪ᮘᮠᮔ᮪ ᮊᮥ ᮞᮍᮥ, ᮊᮥ ᮜᮅᮊ᮪ ᮞᮦᮏᮦᮔ᮪, ᮒᮨᮛᮥᮞ᮪-ᮒᮨᮛᮥᮞᮔ᮪ ᮔᮨᮕᮤ ᮊ ᮘᮤᮞ ᮝᮆ ᮍᮘᮨᮘᮨᮀᮊᮥᮀ ᮊᮥᮞᮘᮘ᮪ ᮊᮊᮩᮉᮙ᮪. ᮙᮔᮦᮂᮔ ᮒᮦᮂ ᮕᮜᮤᮀ ᮘᮤᮞ ᮇᮙᮧᮍᮔ᮪ ᮃᮙᮤᮞ᮪. ᮒᮕᮤ ᮒᮥᮀᮒᮥᮀᮔ, ᮝᮊ᮪ᮒᮥ ᮅᮛᮀ ᮊᮞᮔ᮪ᮓᮥᮀ ᮔᮨᮕᮤ ᮊ ᮏᮥᮀᮊᮤᮁ ᮘᮜᮤᮊ᮪, ᮙᮔᮦᮂᮔ ᮘᮊᮜ᮪ ᮍᮔ᮪ᮒᮥᮔ᮪ᮊᮩᮔ᮪ ᮘᮛᮤ ᮞᮩᮛᮤ ᮒᮛᮤᮊ᮪, “ᮠᮠᮠ ᮒᮧᮜᮧᮜ᮪ ᮘᮍᮨᮒ᮪ ᮃᮔ᮪ᮏᮤᮁ”.
ᮞᮨᮒᮔ᮪.

Idih dienkripsi
BalasHapusHehehehe~
HapusTranslete pake AI tadi, gila bagus banget tulisannya
BalasHapusClever!
Hapus